Нужен перевод с древнерусского на современный Задание перевести на современный русский. как можно скоре.

Answer 1

и живяше Олегъ миръ имЕя . къ всЕмъ странамъ княжа въ КиєвЕ . и приспЕ осень и помяну Олегъ конь свои . иже бЕ поставилъ кормити . нє всЕдати на нь . бЕ бо преже въпрошалъ волъхвовъ кудесникъ . От чего ми єсть оумьрети . и рече єму одинъ . кудесникъ . княже конь єго же любиши . и Ездиши на немъ. От того ти оумрети . Олегъ же приимъ вь оумЕ си рече николи же всяду на конь . ни вижю єго боле того . и повЕлЕ кормити и . и не водити єго к нему . и пребывъ нЕколко лЕтъ . не дЕя єго дондеже и на ГрЕкы . иде . и пришедшю єму къ Києву . и пребысть . д . лЕта . на . е . лЕто . помяну конь свои . от негоже бяху рекъли волъстии оумрети Ольгови . и призва старЕишину конюхомъ ркя . кдє єсть конь мои єгоже бЕхъ поставилъ . кормити и блюсти єго . Онъ же рече оумерлъ єсть . Олегъ же посмЕяся . и оукори кудєсника ркя . тоть нє право молвять волъствї . но все то лъжа єсть . конь оумерлъ . а я живъ . и повелЕ осЕдлати конь . да ть вижю кости єго . и приЕха на мЕсто идеже бяху лежаще кости єго голы . и лобъ голъ . и слЕзъ с коня посмЕяся ркя От сего ли лъба смерть мнЕ взяти . и въступи ногою на лобъ . и выникнучи змЕя и оуклюну и в ногу . и с того разболЕвся оумьре . и плакашася по немъ вси людиє плачемъ великомъ . и несоша и и погребоша и . на горЕ иже глться Щековица . єсть же могила єго до сего дни. словєть могила Олгова