Как это переводится с даргинского?

Question

Нуни селра х|ад х|абурис хьа

Answer 1

Мартла 27-личиб, Россияла лерил гьундурачиб, «Платон» система хIясибли апрельла ургайчир халати машинтала бегIтачирти налогуни гьатIира имцIадирнила хабар дакIубиубхIели, бахъал шоферти иличи къаршили дурабухъун. Ил баркьудилизиб имцIали жигарчебтили уббухъун Дагъистайзибадти дальнобойщикуни. Ца жумягIличибра имцIали даимбиубси забастовкализиб 4000-личи гъамли машина лери. Илгъуна баркьуди кьабулхIебикибти цацабехI хIякимтани къаршили Госгвардияла цIакь пайдалабарахъесличи бетикиб. Амма, машинтала бегIти чIумали кабизур ва чула тIалаб барсхIебарили калахъун. Лебил Россиялизиб тIинтIбиубси ил акция дураберкIнилис сабаб сабри «Платоннис» гьарахъли дашути машинтала бегIтачи чебирхьуси налог имцIабарес дигули биъни. Илди авара дурадуркIутани бурни хIясибли, халати автомашинтани гьундури дебали дукъдулулину, илди далдарес аркьути харжани налог имцIабарниличирли камдиахъес кьас саби, сабира 2015 ибил дусла гIебшнилизибал бехIбихьибси. «Платон» тяхIяр пикрибарибсили чейахъули сай Игорь Ротенберг, ил компанияла байхъала сунела арилизи касибси миллиардер Аркадий Ротенбергла урши. «Платон» бузесаибхIейчибадал машинтала бегIтала кьабулагардеш дакIубиуб, сенахIенну 2017 ибил дусла апрельличибад бехIбихьили хIукуматли гьундурачибад башути халати машинтала бегIтачи чебирхьуси налог кIинали имцIабирниличила багьахъур (гIур бикIи 25 процентла имцIабируси саби или) . Дагъистайзибти шофертала гъузгъалдидеш митингличибад бехIбихьиб, гIур 600-личи гъамли машинали хангьуни буциб. Республикала транспортла министерствола хIянчизар гьуниваибхIелира, маслигIятла селра бурес хIейубли, федеральный хIукуматли ахIи илдала тIалаб бартахъес имканхIебикIур или викIи. Или биубхIели, машинтала бегIтани Бакулизирад Ростовлизи аркьути дахъал масанала машинтас гьуни гIекIиб. ЖумягIла ахирлис Дагъистайзир ил баркьудилизи